這個月戴着口罩工作回家工作，加上Jean一直留在台北；我深居簡出，宅男一個。
人一悶就會產生很多奇怪念頭。我一直覺得留鬚好型，但留的過程好容易令人覺得不修邊幅。現在日日戴口罩，又可以懶；機會嚟啦飛雲。
一日又一日，原來唔剃鬚係會上癮；考慮緊會唔會轉個髮型襯下呢個新鬚look。
因響應不要聚餐，農曆新年之後今晚第一次見阿媽食飯。亦是第一次除了塊鏡之外有人可以欣賞充滿男性荷爾蒙的外表。
除下口罩，阿媽突然間夾左隻雞髀俾我，關懷備至咁問：
「仔，乜今年真係派得咁差咩？」
有啲型野，你做就柒。
我個樣應該似生意失敗。
咁今年係咪可以唔使出花紅俾阿媽？